Pemuka jaku
Ligam bebini ngambi Riah, beranakka Padang. Padang angkat ari Sebaru Kalimantan, Indonesia pindah ka Rimbas. Dalam cherita ka ditusui urang ka tuai, Padang tu ngetu ba mayuh bengkah menua sebedau ngentapka diri di Rimbas. Peturun Padang, rebak Baat enggau anak iya Munan matak bala pindah ka Batang Melupa, pati ai Krian. Sida berumah ba menua ka dikumbai Nanga Meramuh, Ulu Melupa. Maya tu kelia, tuai ka ngiring bala benama Orang Kaya Temenggung Tandok. Rebak tu kelia, menua agi charut, mensia agi bebalas-balas bebunuh enggau bekayau pangan diri. Rumah sida, disebut kitai diatu "Tembawai Alah" dialah, lalu ditunu bala Balau ka datai ari Banting. Sida pepar mindah ngiga pendiau baru sepemanjai Batang Krian. Raban Beti, Jabas, Manju, Changgas, Gila enggau Chuk pindah ka Krian Tengah. Peturun sida ngentap ka diri di Nanga Drau, pati Kiba ai Krian berumah ba Tembawai Masing...
Dulu suba bas STC 5A, nurun lalu ngambi penumpang ba penyangkai tu sebedau nikal baru ka pasar Saratok. Diatu, bas Kaki Wong nadai agi. Bala ari Nanga Drau enggau Sungai Engkabang ka enggai mai kereta nengah jalai Kawang, ninggal ka kereta sida ditu. Bala ka nurun niki ka pasar Saratok ngena Van tauka kereta bukai mega agi mengkang ngena penyangkai tu.
1 comment:
Tabi Dom,
Naka pengaga ati aku meda pesan ari nuan. Cute endar princess Camelia.
Gaga endar ati meda gambar persekitaran rumah panjai ng. Drau.
Aku nemuai kemisi bulan Julai taun 2007 suba bisi nemuai enda lama ke rumah. Kami tiga menyanak aja, laki aku apin datai maia nya. Kami sebuat bermalam ba sida indai Ichil di Saratok. Sinu meda ruai kitai sekaban tak mayuh puang maya nya. Nadai ka enggau bala diatu mayuh ke negeri ngiga pengawa, kati enda ga deh, ngidup ke diri baka urang mayuh meh bansa kitai ga. Sinu endar ati aku tu enda ulih pulai agi ke menoa maya gawai. Bala aku agi sekula ditu. Bulan tujuh tu bisi kami menyanak datai baru. Enti bisi ari ka nemuai ke Drau baru.
Gaga endar bala 'anak urang putih' begagai ba ruai! Terima kasih ke nuan ke udah ngabas 'ruai siber' aku tu. Salam ke apai tuai.
Post a Comment