Pemuka jaku

Ligam bebini ngambi Riah, beranakka Padang. Padang angkat ari Sebaru Kalimantan, Indonesia pindah ka Rimbas. Dalam cherita ka ditusui urang ka tuai, Padang tu ngetu ba mayuh bengkah menua sebedau ngentapka diri di Rimbas. Peturun Padang, rebak Baat enggau anak iya Munan matak bala pindah ka Batang Melupa, pati ai Krian. Sida berumah ba menua ka dikumbai Nanga Meramuh, Ulu Melupa. Maya tu kelia, tuai ka ngiring bala benama Orang Kaya Temenggung Tandok. Rebak tu kelia, menua agi charut, mensia agi bebalas-balas bebunuh enggau bekayau pangan diri. Rumah sida, disebut kitai diatu "Tembawai Alah" dialah, lalu ditunu bala Balau ka datai ari Banting. Sida pepar mindah ngiga pendiau baru sepemanjai Batang Krian. Raban Beti, Jabas, Manju, Changgas, Gila enggau Chuk pindah ka Krian Tengah. Peturun sida ngentap ka diri di Nanga Drau, pati Kiba ai Krian berumah ba Tembawai Masing...

Lalu meh ngagai rumah panjai kami

Wednesday, March 6, 2013

CHERITA TANAH KUNSI, KAKI WONG

Tanah kebun kunsi rumah panjai Kaki Wong (J.O.T 18697) dibeli ari Ida ak. Jeti kena 2nd Oktober  1958 enggau rega $900.00 (Sembilan Ratus Ringgit). Setiap iku ka sama bekunsi ka share tanah tu mayar $37.50 (Tiga Puluh Tujuh, Lima Puluh Sen. Tanah tu kala dikena nanam getah (575 batang) enggau nupi Chapi chara bekunsi.

Urang tuai ka bejakuka pengawa ka meli tanah tu kelia ianya TR Sabang ak. Empiu, Numpang ak. Abang, Kadam ak. Nambi enggau Megat ak. Mensan. Atur bala mayuh netapka nama pala tanah tu ngena nama TR Sabang ak. Empiu.

Kena 20th July taun 1995, tanah tu disukat, lalu iya diprobate ba Pegawai Tadbir Sarawak di Roban ba Mr. Gima Mengkang.

Sebedau tanah tu dikemendarka jadi Rezab Gunasama Bumiputera, ngambika ulih nyadi tapak berumah baru, Mr. Kedai anak Jeti, ianya anak Saudagar Jeti ka asal bempu tanah tu besain surat netapka iya enda nuntut (claim) tanah tu ari urang ka bempu iya diatu, ianya rumah panjai Nanga Drau.

Pasar Kaki Wong didirika atas tanah tu dalam tempoh 25 taun. Diatu pasar tu nadai agi lalu tapak pasar dikena ka Dewan Serba Guna St. Jerome’s. Sekeda ari bagi tanah ari belakang  Dewan Serbaguna St. Jerome’s tu udah disungkur kena ngaga rumah panjai baru.

LIST NAMA URANG KA ENGGAU MELI LALU BEMPU TANAH KUNSI DI KAKI WONG

1.     TR.  Sabang ak. Empiu

2.     Numpang ak. Abang

3.     Kadam ak. Nambi

4.     Megat ak. Mensan

5.     Senin ak. Umbol

6.     Empa ak. Ayum

7.     Sagat ak. Uyu

8.     Jan ak. Suat

9.     Ajah ak. Abang

10.  Entamin ak. Samat

11.   Titum ak.Unjah & Chundi ak. Unjah bekunsi seduai tu si-siku $18.75 cts

12.    Dudum ak. Renggan

13.   Abat ak. Empiu

14.   Gambing ak. Gindal

15.   Empawi ak.Menggat

16.   Gundi ak. Segah

17.  Luna ak. Megong

18.   Salok ak. Juing

19.   Ansi ak.Ngelayang

20.   Gimang ak. Baring

21.  Tambum ak. Unchang

22.  Engkoh ak. Madang

23. Ukau ak. Unchang

Nama sida tu kelia tulis jari iya ti taruh niang apai  (Kadam ak. Nambi) suba tang tu ditaip aku kena ngingat ka nama sida ti tuai menya.
Posted by at

No comments:

Post a Comment

Subscribe to: Post Comments (Atom)