Pemuka jaku
Ligam bebini ngambi Riah, beranakka Padang. Padang angkat ari Sebaru Kalimantan, Indonesia pindah ka Rimbas. Dalam cherita ka ditusui urang ka tuai, Padang tu ngetu ba mayuh bengkah menua sebedau ngentapka diri di Rimbas. Peturun Padang, rebak Baat enggau anak iya Munan matak bala pindah ka Batang Melupa, pati ai Krian. Sida berumah ba menua ka dikumbai Nanga Meramuh, Ulu Melupa. Maya tu kelia, tuai ka ngiring bala benama Orang Kaya Temenggung Tandok. Rebak tu kelia, menua agi charut, mensia agi bebalas-balas bebunuh enggau bekayau pangan diri. Rumah sida, disebut kitai diatu "Tembawai Alah" dialah, lalu ditunu bala Balau ka datai ari Banting. Sida pepar mindah ngiga pendiau baru sepemanjai Batang Krian. Raban Beti, Jabas, Manju, Changgas, Gila enggau Chuk pindah ka Krian Tengah. Peturun sida ngentap ka diri di Nanga Drau, pati Kiba ai Krian berumah ba Tembawai Masing...
Generasi baru Nanga Drau
Mayuh bala ka serebak enggau kami diau ba nengeri. Sida mina pulai maya bisi pengawa enggau pengerami baka Gawai Dayak enggau Krismas.
Ruai nyadi ruang endur bemain enggau besula tiap hari.
Kadang-kadang bisi urang luar datai bedagang mai chapak mangkuk, gari, lauk enggau kuih. Bisi nya datai ari Saratok, ari Debak lalu kadang-kadang ari Badau. Sekeda ari sida lalu bemalam ditu.
No comments:
Post a Comment