Kemaya hari tu, nadai mayuh agi kitai rumah panjai ngemeran ka pengawa bumai. Enti bisi pan, iya enda dikereja baka ka dulu kelia. Urang bumai semadi kena ngidup ka leka benih. Sekeda ka agi bumai nyau ngalih ka menua ili bumai paya.Urang kemaya hari tu deka agi ngereja pengawa bukai, baka ka nangkal getah tauka bekuli. Getah besai amat rega lalu enggau jalai bekuli duit diterima jampat. Beras ulih dibeli ba kedai Cina. Taja pan rega beras jauh amat udah niki, tang duit ulih nangkal enggau kerja bekuli mega besai. Nya alai mensia kemaya hari tu mudah agi meli beras di pasar dibanding ka pengiruh enti sida bumai.
Tibang enggau pekekas bumai ka bukai nyau nyadi cherita lama (History) dalam pengidup kitai. Mayuh anembiak baru diatu enda nemu utai tu agi bisi ba rumah panjai sida. Sekeda sida endang enda nemu utai ka benama Tibang enggau reti guna iya.
*Tibang tu digaga ari kulit kayu. Tibang dikena urang tuai dulu suba endur nyimpan padi. Urang ka mayuh padi, ngembuan Tibang ka besai agi. Tibang deka penuh laban padi kelebih agi maya udah badu ngetau. Beras disimpan dalam Tibang dalam pengelama lebih kurang setaun, laban taun siti agi sida deka bulih padi baru.
Tibang dalam gambar tu disimpan ba sadau gantung di rumah panjai Nanga Drau. Diatu, sadau rumah panjai nyau udah bekena ka dik. Nya alai sida ka anembiak nadai ulih meda Tibang ba sadau gantung din.
4 comments:
manah amat kita agi ngembuan 'berengka' lama bakatu. nya meh Dom, anang malu mantai ke pesaka lama nya, intu manah, berega endar , kediri empu, ke pengigat dudi ari ila.
Endu,
Sangka aku, bala nembiak ka rebak anak kitai tu mayuh nadai kala meda perengka lama ka dikena urang kelia gawa. Utai tu agi bisi ba rumah panjai, tang iya disimpan urang ba sadau gantung din laban nadai agi dikena.
Tabi basa ngagai nuan ke beempuka blog tu laban mantaika sekeda perengka lama ti manah amat diayanka ba blog tu. Aku nyukung nuan belama.
terksvin24
http://www.myborneovacation.blogspot.com
Tabi basa nuju nuan unggal.Ulih aku nanya,gentung tauka tibang utai ti sama kini?
Post a Comment