Pemuka jaku

Ligam bebini ngambi Riah, beranakka Padang. Padang angkat ari Sebaru Kalimantan, Indonesia pindah ka Rimbas. Dalam cherita ka ditusui urang ka tuai, Padang tu ngetu ba mayuh bengkah menua sebedau ngentapka diri di Rimbas. Peturun Padang, rebak Baat enggau anak iya Munan matak bala pindah ka Batang Melupa, pati ai Krian. Sida berumah ba menua ka dikumbai Nanga Meramuh, Ulu Melupa. Maya tu kelia, tuai ka ngiring bala benama Orang Kaya Temenggung Tandok. Rebak tu kelia, menua agi charut, mensia agi bebalas-balas bebunuh enggau bekayau pangan diri. Rumah sida, disebut kitai diatu "Tembawai Alah" dialah, lalu ditunu bala Balau ka datai ari Banting. Sida pepar mindah ngiga pendiau baru sepemanjai Batang Krian. Raban Beti, Jabas, Manju, Changgas, Gila enggau Chuk pindah ka Krian Tengah. Peturun sida ngentap ka diri di Nanga Drau, pati Kiba ai Krian berumah ba Tembawai Masing...

Lalu meh ngagai rumah panjai kami

Thursday, April 24, 2008

Dispensari Kecil, Kaki Wong




Dispensari Kecil Kaki Wong tu siti ari upis perintah ka udah lama diduduk ka ba menua tu. Dulu suba, dispensari tu dijaga siku Pembantu Perubatan ka endang diau ditu. Tang diatu, dispensari tu diundang sebulan sekali ulih Pembantu Perubatan ari Hospital Saratok. Bala ka besemak ditu baka Nanga Drau, Sungai Engkabang, Sebubu, Mapar, Melak enggau Babang ulih berubat tauka minta ubat lebuh maya ka bisi Pembantu Perubatan gawa ditu. Siku ari Pembantu Perubatan ka lama bendar gawa ditu menya ianya Mr. Melina (Apai Lin).
Posted by at
Labels: ,

No comments:

Post a Comment

Subscribe to: Post Comments (Atom)