Pemuka jaku
Ligam bebini ngambi Riah, beranakka Padang. Padang angkat ari Sebaru Kalimantan, Indonesia pindah ka Rimbas. Dalam cherita ka ditusui urang ka tuai, Padang tu ngetu ba mayuh bengkah menua sebedau ngentapka diri di Rimbas. Peturun Padang, rebak Baat enggau anak iya Munan matak bala pindah ka Batang Melupa, pati ai Krian. Sida berumah ba menua ka dikumbai Nanga Meramuh, Ulu Melupa. Maya tu kelia, tuai ka ngiring bala benama Orang Kaya Temenggung Tandok. Rebak tu kelia, menua agi charut, mensia agi bebalas-balas bebunuh enggau bekayau pangan diri. Rumah sida, disebut kitai diatu "Tembawai Alah" dialah, lalu ditunu bala Balau ka datai ari Banting. Sida pepar mindah ngiga pendiau baru sepemanjai Batang Krian. Raban Beti, Jabas, Manju, Changgas, Gila enggau Chuk pindah ka Krian Tengah. Peturun sida ngentap ka diri di Nanga Drau, pati Kiba ai Krian berumah ba Tembawai Masing...
Tiang Pengingat tu digaga urang ka tuai menya kena ngingat ka penumbuh rumah panjai tu. Tiap-tiap 1 Jun, ianya maya Hari Gawai Dayak, bala rumah panjai tu deka begelumu ditu enggau gendang enggau tabuh. Sida miring enggau besembiang ba Tiang Pengingat.
1 comment:
Nama kabuah mesti bisi tiang pengingat? Dini sida nanam tambak burong maya ngerembang ngiga endor berumah?
Post a Comment