Pemuka jaku

Ligam bebini ngambi Riah, beranakka Padang. Padang angkat ari Sebaru Kalimantan, Indonesia pindah ka Rimbas. Dalam cherita ka ditusui urang ka tuai, Padang tu ngetu ba mayuh bengkah menua sebedau ngentapka diri di Rimbas. Peturun Padang, rebak Baat enggau anak iya Munan matak bala pindah ka Batang Melupa, pati ai Krian. Sida berumah ba menua ka dikumbai Nanga Meramuh, Ulu Melupa. Maya tu kelia, tuai ka ngiring bala benama Orang Kaya Temenggung Tandok. Rebak tu kelia, menua agi charut, mensia agi bebalas-balas bebunuh enggau bekayau pangan diri. Rumah sida, disebut kitai diatu "Tembawai Alah" dialah, lalu ditunu bala Balau ka datai ari Banting. Sida pepar mindah ngiga pendiau baru sepemanjai Batang Krian. Raban Beti, Jabas, Manju, Changgas, Gila enggau Chuk pindah ka Krian Tengah. Peturun sida ngentap ka diri di Nanga Drau, pati Kiba ai Krian berumah ba Tembawai Masing...

Lalu meh ngagai rumah panjai kami

Thursday, April 17, 2008

Sabai Enggau Sagai

Sabai ak. Kadam (Apai Edna) enggau adi iya Sagai ak. Kadam (Apai Entira) diatu udah berumur 75 taun enggau 73 taun. Seduai tu sama ada di Nanga Drau. Apai seduai benama Kadam ak. Megong, datai ari sebubu bebini ngambi Mau ak. Nambi ari Nanga Drau. Lebuh indai seduai iya ninggal ka dunya maya ngandung ka adi seduai ka lumur tiga, apai seduai lalu diiru Nambi ka anak lalu nampung bilik di Drau. Diatu bilik nya diintu Sabai lalu Sagai nampung bilik entua iya lalu diau di Babang.
Posted by at
Labels:

No comments:

Post a Comment

Subscribe to: Post Comments (Atom)